تويت
عموما المسؤولية المدنية فيها مسؤولية عقدية ومسؤولية تقصيرية هاد جوج الانواع ديال المسؤوليات كايشابهو من ناحية قيام يعني باش تكون عندنا وحدة من هاد المسؤوليات خص توفر اركان لي هي الخطأ ثم الضرر والعلاقة السببية بين الخطا والضرر يعني بسب داك الخطا وقع ضرر اي انه كن ما وقع داك الخطا مايوقعش الضرر.
الفرق بين المسؤولية العقدية أو المسؤولية التقصيرية؟
الفرق الأول: من حيث طبيعة العلاقة بين أطراف العلاقة القانونية يعني دوك الأشخاص لي معنين بالمسؤولية لي فيهم واحد رتاكب خطأ (المدين) أو هاذ الخطأ سبب ضرر للغير لي هو الطرف التاني (الدائن) العلاقة بين هاد جوج في المسؤولية العقدية هي علاقة كايجمعها عقد، هاد العقد إما يكون عقد مكتوب بحال عقد عمل أو عقد وكالة إلى أخره أو غير مكتوب بحال مثلا شراء أشياء زهيدة الثمن لا تستدعي منا إنشاء عقد نظرا كون المعاملات التجارية تتطلب السرعة في التنفيد أيضا كي لايتم عرقلت تلك العملية فيتضرر التاجر من الخسارة اللاحقة به نتيجة التأخر في تنفيد العملية.
مثلا: شخص قام بشراء نوع من الحلوى ملي كال ديك الحلوى أصيب بتسمم نظرا لإنتهاء صلاحيتها هنا مسؤولية عقدية حيت كاين دفع ثمن مقابل الحلوى يستحق المتضرر التعويض والمسؤول هنا هو البائع مسؤول مسؤولية عقدية لأن هنا توفر لجميع أركان المسؤولية المدنية لي هي الخطأ المتمثل في بيع حلوى منتهية الصلاحية تم الضرر لي هو تسمم المشتري والعلاقة بين الخطأ والضرر يعني ان بيع تلك الحلوى المنتهية الصلاحية هي لي سبت التسمم ماشي شي مادة اخرى
مثلا: شخص خدا من عند بائع حلوى منتهية الصلاحية كالها أو ما وقع ليه والوا دازت واحد المدة زمنية معينة مثلا 12 ساعة و شرا واحد البسكوي سبب ليه تسسم هنا خصو يتابع الشخص لي باع ليه البسكوي ماشي مول الحلوى.
أيضا مثلا: طالب مشا لمقصف الكلية يعني "لبيڤيت" خدا من عندهم عصير تا وتسمم حتى هي مسؤولية عقدية دائما وأبدا فاش تكون عملية ديال تقديم أداء نقدي في مقابل خدمة كاتكون المسؤولية عقدية.
مثلا آخر : شخص دخل لواحد الملهى ليلي و ضربو الضو هنا كانشوفو واش السيد لي ضربو الضو دخل بمقابل مادي أو دخل فابور إلى دخل فابور راه مسؤولية تقصيرية.
مثال اخر: واحد جوج أصدقاء ركبو فطوبيس واحد خلص تذكرة أو لاخر مخلص يعني سالت فطوبيس، وقعت حادتة سير وتصابو الأصدقاء بجوج بكسور فهنا المسؤولية مسؤولية عقدية من جهة الشخص لي خلص التدكرة و مسؤولية تقصيرية من جهة الشخص لي سالت رغم أنه غير سالت كايستحق التعويض، لكن التعويض ديالو ماشي بحال التعويض ديال الشخص لي مخلص غايكون تعويض ناقص شويا او تانيا غادي يخصو يتبث أنه كان راكب فطوبيس إما من خلال تذكرة و من طبيعة الحال هو معندوش تذكرة. ولا بشهادة الشهود أو الكاميرا إلى كانت هاد جوج الأشخاص يمكن ليهم يتابعوا شيفور ديال طوبيس أو الشركة.
مثلا: شركة الزا عندهم الاختيار لكن من الاحسن ليهم يتابعو الشركة لان الشركة عندها دمة مالية ماشي بحال شيفور يقدر مايكون عندو والو فالشركة كادفع التعويض و كترجع على شيفور فلأخير هو يخلص لأن الخطأ وقع بسبابو...
دائما إلى وقع شي خطأ تسبب بضرر غايحاول الشخص يبرر هاد الخطأ باش يدفع المسؤولية عليه بتلاتة المسائل فكيقول فإما أن الخطأ وقع بسبب قوة قاهرة هاد القوة القاهرة مستحيلة الدفع يعني الشخص او لا حتى الدولة ماتقدرش تمنع ديك القوة القاهرة بحال الزلزال أو الفيضان هذي قوة قاهرة يستحيل دفعها.
لكن خاص الشخص يدير شي احتياطات كاتسمى احتياطات الرجل العاقل المتبصر يعني الشخص العادي الراشد يتمع بقوى عقلية عادية مثل كافة البشر مثلا هاد الشخص العاقل المتبصر خدام فشي شركة ديال سيما هاد شخص مكلف مثلا بتخزين اكياس الاسمنت داخل مخازن مخصص لدلك الغرض فالشخص مثلا عوض وضع الاكياس داخل المخزن يتم وضعها خارج المخزن لفترة من الزمن فتفسد أكياس الإسمنت بسبب الطبيعة أما بسبب مثلا الرطوبة أو المطر أو حريق إلى اخره، هنا الخطأ جسيم لايمكن دفع المسؤولية واعتبار الضرر وقغ بسبب قوة قاهرة لأن القوة القاهرة يستحيل منعها من الوقوع بيد أن الشخص يمكن له من خلال ملكاته العقلية وبتفكير بسيط أن يذكر أن وضع أكياس الاسمنت في الخارج يعرضها للخطر فلا يمكن دفغ المسؤولية من خلال القوة القاهرة أيضا لدفع المسؤولية المدنية.
هنا أمر تاني وهو الحادث الفجائي هاد الحادث الفجائي خصو يوقع بعد وضع كل ما من شأنه منع وقوع الضرر، مثلا صاحب سيارة أجرة يجب عليه دائما مراقبة الحالة الميكانيكية لسيارة وأيضا حالة العجلات عند وقوع ضرر متلا انفجار إيطار السيارة هذا حادث فجائي لكن يمكن اتخاد بعض الاحتياطات اللازمة لمنع وقوع الضرر كما قلت إما من خلال فحص العجلات أو من خلال ضبط سرعة السيارة والحادث الفجائي عكس القوة القاهرة يستحيل دفعها أيضا المسألة التالثة لي يمكن من خلالها دفع المسؤولية هي خطأ المضرور مثلا شخص أتناء تواجده في الطائرة وعندما أمرت المظيفة المسافرين بوضع أحزمة السلامة لم يقم بوضع حزام السلامة ومع سرعة الطائرة وقوة الاندفاع اصطدم رأسه بكرسي الطائرة وأصيب بضرر هنا من طبيعة الحال المسؤولية عقدية في حالة تم دفع ثمن التذكرة ويمكن لشركة الطيران أن تدفع مسؤوليتها انطلاقا من خطأ المضرور والذي لم يمتتل لأوامر مضيفة الطيران لكن عموما في كل الحالات يستحق المضرور التعويض.
من الأمثلة أيضا المسؤولية العقدية الخطأ الطبي الذي يحدثه طبيب في عيادة خاصة هذا الطبيب يجب أن يتلقى راتبه من المرضى وليس من الدولة أو خلال أداءه لحملة طبية مجانية غير أن المريض يجب اتبات الخطا يمكن أن يكون إهمال أو تهاون لأن التزام "الطبب" هو التزام بعناية وليس بتحقيق نتيجة.
أيضا من صور المسؤولية العقدية الاخلال في تنفيد عقد او التأخر في تنفيد وهدا التأخر أحدث ضرر أو كثمان أحد المتعاقدين على الاخر شيئا متعلق بمحل العقد تسبب في ضرر إما في ما يتعلق بالمسؤولية التقصيرية ما كايكونش حتى عقد يربط الطرفين الدائن والمدين علاش كانقولو دائن والمدين لأن الدائن كايتسال حق أما حق عيني بحال شي حاحة ملموسة مثلا ساعة يدوية أو حق شخصي كالإعتداء على شخص ما بالضرب.
الحق الشخصي يتمثل في جبر الضرر من خلال تعويض يؤديه المدين لدائن، مثلا سيارة صدمت سيارة أخرى هذه مسؤولية تقصيرية مثلا شخص راكب فسيارة أجرة كان يهضر فتليفون مشافش سيارة قدامو ضربها أصيب سائق السيارة التانية بأضرار وأيضا الشخص لي راكب فسيارة الأجرة هنا المسؤولية بين سائق سيارة الاجرة او سيارة التانية مسؤولية تقصيرية أما المسؤولية بين الراكب وصاحب سائق سيارة الأجرة مسؤولية عقدية.
السؤولية عن فعل الغير كاين بعض الاشخاص مسؤولين على أفعالهم الشخضية أو مسؤولين على أفعال الغير هاد الغير يمكن يكون طفل قاصر أو مجنون الطفل القاصر لي مميز يسأل عن أفعاله الشخصية وأيضا الولي ديالو تاهو مسؤول على الأفعال ديالو، أما طفل غير مميز لي سن تاعو تحت 12 سنة هذا لايسأل عن أفعاله، الاب والأم ديالو هما المسؤولين عليه الى كان ساكن معاهم مثلا الى كان ساكن مع جدو يعني جدو لي مربيه جدو هو لي يسأل عن أفعاله مثلا طفل رتاكب ضرر في حق شخص ما هاد الطفل ساكن بشكل فعلي فدارهم مع والديه لكن داك نهار فاش رتاكب داك الفعل مشا عند جدو هنا والديه هما المسؤولين وخا كان عند جدو، أيضا المجنون إلى رتاكب شي ضرر لايسال عن فعل ديالو داك عندو رقابة على داك المجنون هو لي يسأل مسؤولية تقصيرية.
أيضا مسؤولية المتبوع عن أعمال التابع مثلا في حالة سائق حافلة دار حادث سير هاد الحادث سبب اضرار لركاب المسؤولية هنا يتحملها السائق بصفة شخصية كما تتحملها شركة النقل يمكن متابعة شركة النقل لانها مسؤولة عن اعمال المتبوع لان السائق تابع لشركة ايضا الموظف ديال كلية ابن زهر لي رتاكب خطا في ادراج اسم طالب في شهادة لاجازة أو لا مثلا منحها لشخص اخر هنا الادارة تسأل عن خطا الموظف وهو ايضا يسأل شخصيا عن الخطأ لكن هاد الخطأ خصو يكون خطا جسيم ماشي بحال مثلا شخص دارو ليه الاسم الشخصي بلاصط الاسم العائلي فشي لائحة من لوائح النتائج هدا لايعتبر خطا جسيم ايضا مسؤولية المعلمين عن اخطاء تلاميذتهم فمثلا التلميد لي كايضرب صديقو او هاد ضرب احذث ضرر جسيم المعلم هو المسؤول الى كان داخل الفصل أما الى كان فالساحة المسؤول هو الحارس العام اما الى خرج من المدرسة او ضرب شي حد المسؤولية كتولي السؤولية على الوالي الشرعي اما المعلمين كايتحلو من المسؤولية ماتبقاش عليهم المسؤولية ايضا مسؤولية ارباب الحرف عن الاطفال القصر لي خدامين عندهم الى رتكاب شي خطأ المعلم ديالو هو ليتحمل المسؤولية لكن الى خرج من ديك الورشة او ضرب شي حد المسؤولية كاتكون على الوالي الشرعي الاب أو الام في حالة موت الاب المسؤولية عن الحيوان والأشياء أي شخص عندو حيوان مسؤول على ضرر لي كايتسبب فيه داك الحيوان يقدر يكون داك شخص غير مراقب فقط وليس صاحب الحيوان مثلا شي حد قاليك هاك حضي ليا هدا الكلب حتى نجي او داك الكلب عض شي حد فالوقت لي نتا حاضيه كاتحمل المسؤولية واخا الكلب ماشي ديالك او لا مثلا شخص خدا الكلب ديالو لطبيب بيطري كايولي الطبيب هو المسؤول في حالة هرب ليه او عض بل اكثر من دلك بعض الفقهاء كايقولو جتى الى عض ملاه الطبيب هو المسؤول اما الاشياء مثل المنازل الاهلة لسقوط فصاحب المبنى هو المسؤول عن الضرر لي كايصيب شخص نتيجة سقوط البناء.