كيفية تحليل موضوع قانوني - المنهجية القانونية

[أشفيع محمد]

تحليل الموضوع القانوني:

بزااف ديال طلبة الجدد كتخربقوا او مكعرفوش كفاش دايرة المنهجية القانونية خصوصا ان هاد المنهجية هي الساس ديال كاع المواضع القانونية او لي مختالفة تماما على المنهجيات ليعرفتوهوم فالثانوي لذلك فهاد المنشور غادي نطرقو لمنهجية الموضوع على امل نطرقوا الاسئلة المباشرة او كيفية التعامل مع qcm او النازلة في المنشورات القادمة:

من اجل معرفة المنهجة على الطالب تتبع اولا الخطوات التالية :

فهم السؤال او او الموضوع المعطى : يعني طالب قبل مايبدا خاصوا افهم او يعرف اشمن فقرة كهضر عليها السؤال او الاشكالية القانونية المعطاة فمثلا الى جاك السؤال فمادة العلوم السياسية او كان على هاد الشكل :ما الفرق بين الاحزاب السياسية و الجماعات الظاغطة ؟ هنا الطالب غادي احدد فدماغوا الفقرة ليكهدر عليها السؤال فالمادة كلها لهي معايير التمييز بين الاحزاب السياسية و الجماعات الظاغطة .

الالتزام بالموضوع و دقة و صحة المعلومات : او هادا هو المشكل عند الطلبة كيكوليك خدمت مزيان او جبت 2ولا3 او رجع ليا فراط راه خاصك تلتازم بداكشي ليعطاك او متبقاش هادوي او بصالح العبارة متبقاش غير ترݣع او عطي معلومات تكون صحيحة ماشي تكون حافظ او نهار الامتحان تخلط ليك الامور او تولي غير تشير فالمعلومات . او لتنبيه حاول فالعرض تكتب فقرات مركزة او متفلسفش بزاف . او دابا ندوزو الاهم وهو المنهجية القانونية :

المنهجية القانونية كتكون مقسمة لتلات محاور اساسية (مقدمة ، عرض ، خاتمة ) :

مقدمة :

كتقسم بدورها للاجزاء التالية: الاطار العام : هنا كدكر واحد تقديم عام فمتلا الى كان كدوي الموضوع على خصائص القاعدة القانونية فالاطار العام كدكر تعريف القاعدة القانونيةبشكل عام. تم كتنتاقل الاطار الخاص: اوهنا كدوي شوية على الشيء المطلوب فالسؤال.
تم السياق التاريخي : او هاد الخطوة كديرها الى كانت موجودة فمتلا كتقول ان الدولة ليست كيان وليد اليوم بل هي نتاج لتطورات عديدة و يقال ان ميكيا فيلي هو اول من تناول الدولة بمفهومها المعاصر.
تم المفاهيم اذا وجدت : او هنا كتعرف الكلمات الاساسية فالاشكالية القانونية او السؤال المطروح.
تم ذكر اهمية الموضوع : كمتلا اهمية القانون فمجتمعنا و دور القاعدة القانونية في حفظ النظام العام.
تم طرح الاشكاليات : او هنا كطرح الاسئلة لي متعلقة بالموضوع او ليباغي الاستاد تعالجهوم فلعرض .
تم تحديد التقسيم المناسب لكل موضوع: او هنا فين كتلاقاو الطلبة المشكل او التقسيم كيكون على هاد الطريقة: عندك جوج خيرات يا تخدم بالفقرات أو بالمطالب.

إلا خدمنا بالفقرات فغالبا كنحولوا نخدموا بالتقسيم الثنائي للموضوع.

الفقرة الأولى : (كنكتب عنوان الفقرة)
وكنقسم هذ الفقرة حسب الأفكار لي غدي ناقش فيها، مثلا نقسم هذ الفقرة ل:
أولا: (نكتب عنوان)
ثانيا: (نكتب عنوان)
الفقرة الثانية: (نكتب عنوان الفقرة الثانية)
أولا: (نكتب عنوان)
ثانيا: (نكتب عنوان)

وممكن تقسم الموضوع للمطالب:

المطلب الأول: (نكتب عنوان)
الفقرة الأولى: (نكتب عنوان)
الفقرة الثانية: (نكتب عنوان)

المطلب الثاني: (نكتب عنوان)
الفقرة الأولى:(نكتب عنوان)
الفقرة الثانية:(نكتب عنوان)

العرض :

هنا كتشرح فيه اي فقرة او كتكتب داكشي ليحفظتي او فهمتيه بناءا على التقسيم ليدرتي ف المقدمة، يعني ميكونوش مختالفين ماشي درتي تقسيم فالمقدمة فيه مطلبين او فالعرض دير واحد او كيكون على هاد الشكل .
العرض كتقسم بناءا على السؤال .
متلا الى تحط ليك سؤال.ماهي خصائص القاعدة القانونية؟ فالتقسيم غايكون هكا :
المطلب الاول : قاعدة عامة ومجردة و قاعدة اجتماعية .
الفقرة الاولى : قاعدة عامة و مجردة : ..........او هنا كتكتب كل المعلومات الخاصة بهاد الميزة ديال العموم و التجريد .
الفقرة التانية : قاعدة اجتماعية ........... اوكتب معلومات الخاصة بهاد الميزة ايضا.

المطلب التاني : قاعدة سلوك و قاعدة ملزمة مقترنة بجزاء .
الفقرة الاولى : قاعدة سلوك :.... ذكر المعلومات الخاصة بهده الميزة .
الفقرة التانية : قاعدة ملزمة مقترنة بجزاء : .........ذكر المعلومات الخاصة بهده الميزة



خاتمة :

وماشي دائما ممكن تديرها في بعض الحالات ممكن متكتبش خاتمة و إلا درتيها كتكتبها بشكل موجز ماشي تكتب ليهم نص صفحة او فيها كتعاود تاكد على النقط الاساسية ديال الموضوع .