من الأخطاء لي كايوقع فيها بزاف ديال الطلبة هو كايسولو على الأستاذ واش مزيان و لا لا... هد السؤال كايخليك تاخد صورة نمطية على الأستاذ و هذ الصورة غادي تحدد طريقة التعامل ديالك مع المادة لي كايقري... فمثلا بزاف د الناس غايقولو ليكم الأستاذ فلان صعيب نت العقل ديالك غادي ياخد هد الفكرة و تلقائيا غادي تجيك المادة لي كايقري صعيبة...
داكشي علاش ردو البال من هد الصورة القبلية على أستاذ أو مادة معينة راه گاع الأساتذة مزيانين كل واحد كايحط امتحان على قد الشرح ديالو... و ف لافاك راه الأستاذ كيما بغا يكون كايعطيك غير واحد 25٪ و الباقي عليك نت تمشي تقلب عليه و تقراه... و دير فبالك بلي خاصك تقرى باش تشد شي حاجة فراسك ماشي غير باش تڤاليدي و إلا المصير ديالك باين...
ضرب تمارة شويا، تقاتل، قلب، سول، و خدم على راسك و لما لا قلب على سطاجات و نت كاتقرى إلى عندك الوقت و كون متأكد غادي يجيك كلشي ساهل...
بالتوفيق و نحن رهن الإشارة في أي وقت وحين...
تعليق