مع إقتراب موعد صرف المنحة الجامعية 2022/2023 لفائدة الطلبة القدامى وإقتراب موعد الاعلان عن نتائج المقبولين من الطلبة الجدد.
يسعدني أن نقدم في هذا الموضوع إجابة على أكثر الأسئلة تداولاً لدى الطلبة والخاصة بالمنحة الجامعية.
بالنسبة المنحة امتا كيحيدوها ليا:
الى مدخلتيش 7 موديلات فالعام الأول كيمشي ليك نصف المنحة اما في حالة كنتي كتستافد من نصف المنحة او فاليديتي اقل من 7 كتمشي ليك المنحة كاملة
الى عاودتي العام كذلك كتمشي ليك نصف المنحة.
الى نقاطعتي على دراسة واحد المدة (عام او عامين او اكثر ...) كتمشي ليك منحة بشكل نهائي وفق المذكرة الوزارية.
الا خدمتي اثناء الدراسة او كنتي مسجل ف cnss غادي توقف ليك المنحة مؤقتا اما لخدمتي اثناء العطلة معندك مناش تخاف غادي تستافد منها بشكل عادي.
الى كنتي كتقرا فالكلية او فنفس الوقت دفعتي بنيڤو باك لتكوين المهني غادي توقف ليك المنحة مؤقتا فهاد الحالة غادي دفع شكاية لمديرية تاع التكوين المهني لي تابع ليها باش ترجع ليك المنحة.
بالنسبة لطلبة لي كسولو واش الى بدلو الكلية أو غيرو الشعبة واش غتمشي ليا المنحة؟
باش تبقى ليك منحة بدون مشكل اوتاخدها فوقتها من احسن غير تبدا الدراسة بالجامعات سير لمصلحة المنح الموجودة بالمؤسسة لي كتقرا فيها حاليا او لي غيرتي فيها الشعبة ا دفع ليهم طلب خطي بخصوص تحويل ملف الخاص بالمنحة.
بالنسبة للطلبة الجدد سلك الإجازة :
بالنسبة لوائح الممنوحين كايتم الإعلان عليها فالعمالة أو نيابة لي تابع ليها غالبا أواخر شهر نونبر غادي تم اعلان عليها في حالة ما لقيتش اسمك كتدفع شكاية ( الطعن ).
بطاقة المنحة كتخدها من الكلية وكتفعلها فلاجونص وكايكون إعلان فالمؤسسة لي نتا كاتقرا فيها باش إحدو ليك مكان وزمان أخد بطاقة المنحة .
بالنسبة الطلبة الجدد إلى ماتسجلتيش فلافاك ولا شي مؤسسة مغاديش تستافد من المنحة نهائيا وخا تقبلتي فاللوائح.
متسجلتيش فسيت باش دفع للمنحة وخا اخرجو ميمكنش دير طعن او اجراء اخر.
بالنسبة لقيمة المنحة الجامعية تختلف من سنة الأخرى
الشطر الأول 1900,20 درهم بالنسبة لطلبة لطلبة الغير قاطنين ونصفها بالنسبة الطلبة القاطنين
الشطر الثاني 1900,20 درهم بالنسبة لطلبة الغير قاطنين ونصها للقاطنين
الشطر الثالث 2533,60 درهم بالنسبة لطلبة الغير قاطنين ونصها للقاطنين
غير أن المقيمين في المجال الحضري فيحصلون على نصف المنحة أي 950.00 درهم.
بالنسبة للماستر على الشكل الآتي :
فيما يخص المنحة حسب ماجاء في المدكرة الوزارية :
- أي طالب سنه أقل من 30 سنة ولايمارس أي عمل مأجور وسبق له أن إستفاد من المنحة خلال فترة الاجازة يستفيد منها مباشرة إذا تقدم للمصلحة بالوثائق المطلوبة .
- أما بالنسبة للذين لم يستفيدوا منها خلال فترة الاجازة فهي نفس الشروط اضافة الى الاستحقاق العلمي للتباري على كوطا 20%.
بالنسبة لقيمة المنحة الجامعية فهي كالآتي:
الشطر الاولى 2200.00 درهم
الشطر الثاني 2200,00 درهم
الشطر الثالث : 2933 درهم
بالنسبة للدكتوراه على الشكل الآتي :
قيمة المنحة بسلك الدكاوراه هي كالأتي:
الشطر الأول : 3642.20 درهم
الشطر الثاني : 3642.20 درهم
الشطر الثالث : 4861.60 درهم
تعليق