تويت
سنتناول بالشرح والتوضيح ما يتعلق بشروط التكامل بين الوحدات، والفصول،
أولا: شروط التكامل بين الوحدات
هناك تكامل بين وحدات كل فصل بمعنى انه لإستيفاء الفصل يجب الحصول على مجموع النقط يصل الى 70 نقطة بالنسبة لطلبة الفصل الاول او الفصل الفصل الثاني و مجموع 60 نقطة بالنسبة لباقي الفصول بمعنى انه خاصك مثلا ف س1 تجيب مجموع النقط هو 70 باش تفاليدا ليك سوميستر مثلا 14 14 12 6 6 8 10 هنا السوميستر داخلة و حتى لو حصلت على مجموع النقط هو 69 اي معدل 9,83 فقط فالسوميستر غادي تفاليدا بشرط مايكون عندك شي موديل فيه اقل من 4 و هناك استثناء ايلا عندك 4 كتفاليدا فحالة كان معدل السوميستر يساوي او يفوق 10 كمثال عندي 15 15 4 6 10 10 هنا المعدل هو 10,00 و وخا عندي نقطة 4 فغادي تفاليدا السوميستر.
ثانيا: شروط التكامل بين الفصول
التكامل بين السوميسترات بمعنى س1 تكمل س2 و س3 تكمل س4 و س5 تكمل س6 و العكس صحيح يعني مثلا ايلا عندي ف س3 معدل 11,80 و عندي س4 معدل 8,20 فراه س4 غادي دخل بالتكامل مع س3 بشرط مايكون عندك ف س4 موديل اقل من 5.
و هاد السنة بالنسبة للطلبة لي عندهم مجموع النقط الفصل الخامس او السادس يساوي 58 نقطة ف راه غادي تفاليدا سومسيتر يعني يكفي يكون عندك معدل س5 او س6 هو 9.67 راك مفاليدي.
وكذالك لي تزاد هاد السنة هو انه ايلا جمعت معدل س5 و معدل س6 و قسمتهم على 2 وعطاتك 9.83 راه كذلك مفاليدي هادشي طبقوه غير هاد السنة و كيخص فقط طلبة الفصل الخامس و السادس غير بشرط ماتكون عندك نقطة اقل من 5.
و اشارة اخرى أي موديل عندك فيه نقطة 4 فالادارة كتحولها لك ل 5 فأي سومسيتر سواء س1 او س2 او س3 او س4 او س5 او س6
بالنسبة لي عندو شي موديل فيه 1 او 2 او 3 او فراه سوميستر مكتفاليداش وخا يكون عندو معدل الفصل فيه 14 الا انه هناك استثناء لطلبة الفصلين الخامس و السادس في حالة عندك معدل الفصل 10 او اكثر راه وخا عندك موديل فيه 3 فغادي يتفاليدا ولكن كيف قلت بشرط السومسيتر لي فيها 3 يكون المعدل ديالها 10 او اكثر كمثال عندي مثلا الفصل السادس 16 16 13 12 14 3 هنا الفصل السادس يعتبر مستوفي وخا عندي 3 لان معدل الفصل فيه اكثر من 10 لو كان اقل من 10 مغاديش تفاليدا ليا موديل لي فيه 3.
# بالنسبة للوحدة الاضافية
الوحدة الاضافية هي ميزة كتعطيها الادارة للطلبة لي متوفرين فيهم شروطها عوض يزيدو عام بسبب موديل او جوج كيكون عندهم امكانية يساليو فنفس العام الدوك و الاجازة و للاستفاذة من الوحدة الاضافية خاص الطالب يكون مفاليدي العام الاول بأكمله ( س1 و س2 ) ومجموع الموديلات بين س1 و س2 و س3 و س4 يكون مفاليدي 22 موديل، يعني فالجذع المشترك ( س3 او س4 ) يكون بقا لك فقط 4 وحدات او اقل.
فحالة مفاليدي س1 و س2 و س3 و بقا ليك 4 وحدات ف س4 او اقل راه غادي تكون عندك الوحدة الاضافية بحيث تقرا الموديلات لي بقاو ليك ف س4 و تقرا كذالك المقابل ديالهم ف س6 و نفس الشيء فحالة مفاليدي س1 و س2 و س4 و بقا لك 4 موديلات او اقل ف س3 ف راه غادي تقرا دوك 4 لي بقاو لك ف س3 و تقرا المقابلات ديالهم ف س5 هادشي لي كنقول حسب لي كان هاد السنة و كانو طلبة قراو بين س3 و س5 10 موديلات و دوزو فيهم الامتحان كامل
يمكن للطالب ايضا تكون عندو الوحدة الاضافية فحالة مفاليدي س1 و س2 و 4 وحدات ف س3 و 4 وحدات ف س4 هنا يستفيذ الطالب من الوحدة الاضافية ف س3 و كذلك ف س4.
بالنسبة للوحدة الاضافية لا يحتاج الطالب ان يقدم أي طلب بشأنها لانه تعطى تلقائيا للطلبة لي متوفرين فيهم الشروط ديالها وهوما لي ذكرت الفوق .
#بالنسبة للبحث كاينين بعض الطلبة باقي عندهم مشكل فيه بحيث مزال ماخرجات ليهم النقطة فما عليهم الا ان يتواصلو مع الاستاذ المشرف عليهم باش يعطي نقطتهم للادارة و بعدها غادي يلقاوها فالحساب ديالهم .
لي عندو شي تساؤل يطرحو هنا فتعليق بلا مايسيفط ليا شيواحد فالخاص الله يجازيكم بخير
تعليق